تفعيل النجوم علي الفيس بوك والربح من الاعلانات – الجزء الأول

تفعيل النجوم علي الفيس بوك والربح من الاعلانات

هنتكلم عن الربح من الفيس بوك و طريقة تفعيل الاستارز او النجوم علي الفيس بوك . وكذلك هنتكلم عن طريقة انشاء صفحة و تهيئتها انها تكون مصدر دخل ليك , وازاي تقدر تمول الصفحه دي باعلانات تجيبلك متابعين حسب نوع المحتوي الى انت ناوي تقدمه . في هنا هنحتاج نقف عند نقطة وهي ايه املحتوي الى انا هقدمه ودا يعتبر اهم حاجة في الخطوة دي . انا دلوقتي يعتبر بعمل مشروع لنفسي ولازم المشروع دا يكون عندي خبره فيه . مينفعش افتح مشروع مستغل فيه محتوي باخده من مكان تاني لازم يبقي ليا محتوي فريد .

ازاي اكسب من الفيس بوك – وازاي افعل النجوم علي الفيس بوك ؟

احنا وصلنا في الجزء الى فات ان لازم يبقي لينا محتوي فريد لينا نشتغل عليه ونطوره طب ايه المحتوي دا ؟. كذلك لازم تكون عارف انك بما انك ناوي تعمل مشروع يبقي لازم تكون واثق من نفسك لان الموضوع دا هيعتمد انك بتطلع لايف live . يعني بيكون الكلام الى بتقوله منك للناس مباشرة كانك قاعد معاهم سوا طالع فيس كام او لا بس مش هيبقي في مجال للتعديل او المونتاج او اي حاجة . لازم تكون مذاكر كويس جدا الى بتقوله وتكون جاهز بنسبه 200% لان اي غلطه بتفقد ثقتك عند الناس ومش هتلاقي حد يتابعك بعد كدا .

انواع المجالات الى تقدر تكسب فيها في الفيس بوك و تفعل الاستارز علي الفيس بوك فيها

في مجالات كتير نقدر نفعل فيها النجوم والاشهر حاليا الى مسيطر علي معظم الفيس بوك هو الالعاب ” الجيمنج ” . بنشوف استريمرز كتير جدا دلوقتي علي الفيس بوك بيلعبوا العاب اونلاين زي ببجي و فري فاير والعاب كتير . الناس دي بتفكر صح انا شايف اني محترف في اللعبه دي ” محترف مش بعرف العب بس لازم تكون وصلت لدرجة احتراف ” . فبالتالي بما اني واثق ف نفسي و شايف اني محترف ليه مستغلش الوقت الى بدخل العب فيه اني اكسب فلوس ؟ . طيب انا مليش في الالعاب و ليا في الكوميديا وبعرف امثل او بعرف اقول نكت او بعرف اغني او بعرف ارسم . في الحالة دي ممكن بكمبيوتر بسيط جدا مع فيس كام اقدر اطلع لايف واكسب مشاهدات كتير جدا . الموضوع مش صعب الموضوع بس محتاج انك تحدد حاجة انت محترف فيها و هتبقي اسرع لو اختارت لنفسك مجال مختلف . وزي ما قولنا قبل كدا بلاش تقلد والمحتوي بتاعك يكون بتاعك انت بس لان الى هيشوفك هيشوف غيرك وهيفهم مين الاصل ومين الى بيقلد . وطبعا لو شاف انك التقليد مش هيتابعك تاني لازم يكون عندك محتوي خاص بيك لوحدك .

طيب ايه هي طريقة تفعيل النجوم علي صفحة الفيس بوك .

طبعا واضح ان اهم حاجة لازم يكون في صفحة علي الفيس بوك وعشان تفعل النجوم علي الفيس بوك النجوم دي بتكون علي محتوي فيديو بس . يعني مينفعش تتفعل النجوم علي صور او علي منشورات عاديه . فبالتالي واحنا بنعمل الصفحه لازم يكون نوع الصفحه video creator . فأول حاجة هتدخل علي اللينك دا عشان تعمل صفحة جديده ( انشاء صفحة فيس بوك وتفعيل النجوم لتحقيق الربح )

طيب كدا احنا عملنا الصفحه وعملناها video creator . هل دا معناه ان كدا خلال النجوم اتفعلت علي الفيس بوك ؟ لا طبعا كدا انت لسه مخلصتش وكدا النجوم متفعلتش علي الصفحه . طب ايه الخطوة الجايه ؟ الخطوة الجايه انك الفيس بوك بيلزمك بأكتر من حاجة عشان تقدر تحقق ربح من الفيس بوك و الحاجات دي 6 حاجات

1- الفيس بوك محدد عشان تكسب و تفعل الاستارز لازم تعمل صفحة video creator ودي احنا عملناها خلاص

2- تاني حاجة هنعملها عشان نحقق ربح من الفيس بوك ونفعل النجوم . لازم تقدم المحتوي دا من دولة بتدعم الفيديو كرييتور و مصر مؤخرا اتضافت الحمد لله

3- تالت حاجة بعد ما نعمل الصفحه وقبل ما الفيس يفعل النجوم في الصفحه . لازم تطلع لايف علي الصفحه بتاعتك لمدة 4 ساعات خلال 14 يوم

4- رابع حاجة عشان نفعل النجوم لما نعمل لايف ال 4 ساعات دا لازم ع الاقل يومين خلال اخر 14 يوم يعني مينفعش تعمل ال 4 ساعات مره واحده

5- لازم يكون المحتوي بتاعك مطابق لقوانين الفيس بوك يعني متشغلش اغاني ولا فيديوهات ليها حقوق الصفحه بتاعتك هتتقفل في الحاله دي ومش هتقدر تفعل النجوم في صفحة الفيس بوك وتحقق ربح من الفيس بوك

6- واخيرا عشان تكسب من الفيس بوك و تفعل النجوم لازم يكون عندك علي الاقل 100 متابع في صفحتك .

تفعيل النجوم والربح من الفيس بوك

كدا احنا خلصنا كلام في الجزء الاول الى هو ال set up و الاساس بتاعنا . انتظرو مقال جديد خلال ايام قليلة هنتكلم فيه ازاي تضيف حسابك البنكي وازاي تدير النجوم في صفحتك علي الفيس بوك . ومتنساش تحط الموقع في المفضله عشان تقدر توصلنا اي وقت وتتابع كل جديد معانا

إقرأ أيضا : ازاي تستورد من الصين بأسعار لا تصدق